Машҳур мураббий Фабио Капелло «Милан» етакчиларидан бири Рафаэл Леауни соф марказий ҳужумчи сифатида кўрмаслигини билдирди. Бу ҳақда euro-football.ru хабар беради.
Португалиялик футболчи аслида қанот вингери бўлса-да, Массимилиано Аллегри қўл остида тез-тез ҳужум чизиғида майдонга тушмоқда. Жорий мавсум А Сериянинг 19 ўйинида Леау 8 та гол урди ва 2 та голли узатма амалга оширди.
«Мен учун у барибир ҳужумчи эмас. Урган голлар сонини унутиб туринг — у олдинда жамоа учун таянч нуқта бўла олмайди. Ҳозир буни ишонч билан айтишимиз мумкин», — дея Капеллонинг сўзларини келтиради La Gazzetta dello Sport.
26 турдан сўнг «Милан» А Серия турнир жадвалида иккинчи ўринда бормоқда ва пешқадам «Интер»дан 10 очко ортда қолмоқда.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
