Россия терма жамоасининг баҳорги йиғинига бир ойдан ҳам кам вақт қолди, бироқ Россия футбол иттифоқи ҳозирча ўртоқлик учрашувлари бўйича рақиблар рўйхатини расман эълон қилгани йўқ. Шунга қарамай, илк спарринг Малига қарши бўлиши деярли аниқ: африкаликлар аввалроқ келишув борлигини тасдиқлаган. Бу ҳақда euro-football.ru хабар беради.
Sport24 хабарига кўра, РФУ Гондурас терма жамоасига ҳам таклиф билан чиққан. Бироқ Гондурас футбол федерацияси март ойининг охирги кунида Санкт-Петербургда ўтказилиши режалаштирилган ўртоқлик ўйини ғоясини рад этган.
Манбага кўра, Гондураснинг бу қарори жамоа март ойидаги халқаро танаффус учун аллақачон бошқа режаларга эга экани билан изоҳланади.
Ҳозирда Гондурас терма жамоаси FIFA рейтингида 65-ўринда бормоқда.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
