Rossiya terma jamoasining bahorgi yig‘iniga bir oydan ham kam vaqt qoldi, biroq Rossiya futbol ittifoqi hozircha o‘rtoqlik uchrashuvlari bo‘yicha raqiblar ro‘yxatini rasman e’lon qilgani yo‘q. Shunga qaramay, ilk sparring Maliyaga qarshi bo‘lishi deyarli aniq: afrikaliklar avvalroq kelishuv borligini tasdiqlagan. Bu haqda euro-football.ru xabar beradi.
Sport24 xabariga ko‘ra, RFU Gonduras terma jamoasiga ham taklif bilan chiqqan. Biroq Gonduras futbol federatsiyasi mart oyining oxirgi kunida Sankt-Peterburgda o‘tkazilishi rejalashtirilgan o‘rtoqlik o‘yini g‘oyasini rad etgan.
Manbaga ko‘ra, Gondurasning bu qarori jamoa mart oyidagi xalqaro tanaffus uchun allaqachon boshqa rejalarga ega ekani bilan izohlanadi.
Hozirda Gonduras terma jamoasi FIFA reytingida 65-o‘rinda bormoqda.
“Zamin”ni Telegramʻda oʻqing!
