«Шанхай Шэньхуа» Осиё Чемпионлар лигасида 7-турдан кейин плей-оффга чиқиш имкониятидан мосуво бўлганди. 8-турда «Бурирам Юнайтед»га қарши баҳс Слуцкий жамоаси учун турнир билан хайрлашиш олдидан сўнгги уриниш эди, бироқ «эшикни қарсиллатиб ёпиш»нинг имкони бўлмади. Бу ҳақда euro-football.ru хабар беради.
Учрашувда Таиланд клуби 2:0 ҳисобида ғалаба қозонди. Мезбонлар 11-дақиқада Гуд Кертис, 22-дақиқада эса Муеанта Супханатнинг голлари билан танаффусгача натижани ҳал қилиб қўйди.
Кўп ўтмай «Шанхай Шэньхуа»нинг бир ўйинчиси майдондан четлатилиб, жамоа кам сонли бўлиб қолди. Шу ҳолат ўйин интригасини деярли йўққа чиқарди ва ҳисоб ўзгармади.
Маълумот учун, Леонид Слуцкийнинг «Шанхай Шэньхуа» билан амалдаги шартномаси 2027 йил якунигача мўлжалланган.
“Zamin”ни Telegram'да ўқинг!
