Туркияда «Галатасарай» ва «Фенербаҳче» сафида тўп сураётган икки футболчига спорт тикишлари билан боғлиқ иш бўйича қамоқ жазоси хавф солмоқда. Бу ҳақда euro-football.ru хабар беради.
Гап «Галатасарай» вакили Метехан Балтаджи ҳамда «Фенербаҳче» сардори Мерт Ҳакан Яндаш ҳақида кетмоқда. Маҳаллий манбаларга кўра, Балтаджига 13 йилгача, Яндашга эса 17 йилгача озодликдан маҳрум этилиш эҳтимоли бор.
Sabah нашрининг ёзишича, Балтаджи камида икки марта «Галатасарай» иштирокидаги ўйинларга пул тиккан. У ўша баҳсларда асосий таркибда бўлмаган, бироқ қайдномага киритилгани сабаб натижага билвосита таъсир ўтказиш имконияти мавжуд бўлган.
Амалдаги турк қонунчилигига кўра, у букмейкерларга профессионал спортчи экани ҳақида маълумот бериши шарт эди. Бироқ футболчи бу талабни бажармагани таъкидланмоқда.
“Zamin”ни Telegram'да ўқинг!
