«Реал» Парижда ҳам ПСЖдан устун келди ва чорак финалга йўл олди

Европа чемпионлар лигасининг нимчорак финалидан ўрин олган ПСЖ ҳамда “Реал” учрашуви якунига етди.

Ўйин икки учрашув натижасига кўра, “Реал”нинг фойдасига ҳал бўлди ва мадридликлар мусобақа чорак финалига йўлланмани ҳақли равишда қўлга киритишди.

51-дақиқада Марселонининг узатмасидан сўнг Роналду баланд сакраб, тўпни дарвозага йўллаб қўйди. Шундан сўнг парижликлар 66-дақиқақада 10 киши бўлиб қолишди. Ҳакамга нималарнидир тушунтирмоқчи бўлган Марко Верратти иккинчи сариқ карточка билан жазоланиб, майдонни тарк этди.

Кейинчалик мадридликлар асосан қарши ҳужумларда ўйнашни маъқул кўришди, лекин 71-дақиқада Пасторе ва Каваниларнинг ҳаракати эвазига ҳисоб тенглашди. Бироқ, орадан 9 дақиқа ўтиб, Каземиро ПСЖ ҳимоясида юзага келган хато эвазига жавоб тўпини киритди ва “қироллик клуби”нинг сафарда ғалаба қозонишига катта ҳиссасини қўшди.

Шу тариқа, Неймарсиз ўйнаган ПСЖ Парижда ҳам мағлубиятга учраб, мусобақани муддатидан олдин тарк этди.

ЕЧЛ, нимчорак финал.
Жавоб ўйини.

ПСЖ Франция – Реал Мадрид Испания 1:2.
Голлар: 0:1 – 51 Роналду, 1:1 – 71 Кавани, 1:2 – 80 Каземиро.

ПСЖ – Ареоля, Тиаго Силва, Берчиче, Дани Алвес, Маркиньос, Верратти, Мотта (Пасторе, 59), Рабьо, Ди Мария (Дракслер, 76), Мбаппе (Диарра, 85), Кавани.

Реал Мадрид – Навас, Варан, Марсело, Карвахаль, Рамос, Васкес, Ковачич (Кроос, 71), Каземиро, Асенсио (Иско, 82), Бензема (Бэйл, 76), Роналду.

Огоҳлантиришлар: Верратти (20), Ковачич (32), Рамос (78), Кавани (84).
Четлатиш: Верратти (66).

Дастлабки учрашув: 1:3.


Манба: www.uff.uz “Замин” янгиликларини “Одноклассники”да кузатиб боринг