Криштиану Роналду яқинда Португалия терма жамоасининг ЖЧ-2026 саралаш босқичида Венгрияга қарши ўтказилган ўйинда (2:2 ҳисобидаги дуранг) алмаштирилиши ҳақида фикр билдирди. Журналист Пирс Морган ундан сўради:
“Сизни 77-дақиқада, дубл қайд этганингиздан сўнг алмаштиришди. Рақиб эса охирги дақиқаларда ҳисобни тенглаштирди. Мен сизнинг ўша пайтдаги ҳиссиётларингизни тасаввур қила оламан.
Агар мен мураббий бўлганимда, Криштиану Роналду иккита гол урган бўлса, уни алмаштирмас эдим. Сиз учинчи голни уриб, ўйинни ютишингиз учун ҳамма нарсани қилардингиз. Ўша алмаштиришдан кейин қандай ҳис қилдингиз?”
Роналду жавоб берди: “Сизни тушунаман, лекин мураббий позициясини ҳам ҳисобга олишим керак. Балки у натижани сақлаб қолишни ва бошқа футболчини майдонга тушириб, ҳимояни мустаҳкамлашни истагандир.
Мен буни тушунаман ва мураббийнинг қарорини қабул қилишим керак – ахир биз ҳар хил фикрлаймиз. Агар майдонда қолганимда, албатта, учинчи голни уришга ҳаракат қилган бўлардим.
Лекин баъзида алмаштириш ҳам нормал ҳолат, ҳатто иккита гол урганингда ҳам. Бу энди мен учун муаммо эмас.
Мен шунчалик кўп хет-трик қайд этдимки, битта кўпми ёки камми, унчалик аҳамияти йўқ.”
