Dastur 2030 yilgacha mo‘ljallangan bo‘lib, uning asosiy maqsadi O‘zbekistonda taxminan 500 nafar yuqori malakali avtomobilsozlik muhandislarini tayyorlash va ularning malakasini oshirishdir. Bu muhandislar milliy avtomobil sanoatining rivojlanishiga turtki bo‘ladi.
Ta’lim jarayoni Xitoy va Janubiy Koreyaning yetakchi texnik universitetlari, shuningdek, avtomobil ishlab chiqaruvchi hamkorlarning ilmiy-tadqiqot, tajriba-konstruktorlik markazlari hamda dizayn markazlarida amalga oshiriladi. Loyiha ikki asosiy yo‘nalishga bo‘lingan: ADM Global kompaniyalar guruhi muhandislari va texnologlari 3 oydan 12 oygacha bo‘lgan o‘rta va uzoq muddatli amaliyot dasturlarida ishtirok etadilar.
Ushbu amaliyotlar Kia, Chery, GWM va Changan kompaniyalarining Xitoy va Koreyadagi global R&D va dizayn markazlarida tashkil etiladi. Bu jarayon butun dunyo avtomobil sanoati yetakchilarining tajribalarini to‘g‘ridan to‘g‘ri o‘rgatishga imkoniyat beradi.
O‘zbekiston texnik oliy ta’lim muassasalari talabalari tanlov asosida saralanib, Xitoydagi yirik avtomobil ishlab chiqaruvchilar bilan hamkorlik qiluvchi universitetlarda bepul ta’lim olish imkoniyatiga ega bo‘ladilar. Dastur zamonaviy avtomobil sanoati ehtiyojlariga mos keladigan amaliy va maxsus yo‘naltirilgan ta’limga qaratilgan.
Dastur nafaqat avtomobillarni ta’mirlashga qodir mutaxassislarni tayyorlashga, balki yangi mahsulotlarni ishlab chiqish, innovatsion mexanizmlar va komponentlarni loyihalash, muhandislik yechimlarini sinovdan o‘tkazish hamda ularni real ishlab chiqarishga tatbiq etishga qodir mutaxassislarni shakllantirishga qaratilgan.
“Engineering Forsaj” dasturining amalga oshirilishi O‘zbekistonga avtomobillar yig‘ishdan yuqori texnologiyali yechimlarni ishlab chiqishga o‘tish, mamlakatning global avtomobil bozoridagi mavqeini mustahkamlash imkonini beradi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
