ChatGPT shifokorlar topa olmagan tashxisni aniqladi: amerikalik ayolning ajoyib hikoyasi

1 daqiqa o'qish3.8K
ChatGPT shifokorlar topa olmagan tashxisni aniqladi: amerikalik ayolning ajoyib hikoyasi
Foto: The Sun
AQSHda yashovchi Loren Bennon bir necha oy davomida sog‘lig‘idan tashvishlanib yurdi. 2024 yil fevral oyidan boshlab uning jimjiloq barmog‘i tongda va kechqurun qattiqlashib, bukilishda qiyinchilik tug‘dira boshladi. Loren mutaxassislarga murojaat qilgan, ular esa unga revmatoid artrit tashxisini qo‘yishgan. Lekin bu kasallik uchun o‘tkazilgan test natijalari salbiy chiqdi.

Bir necha oy o‘tib, Loren oshqozonida kuchli og‘riq his qila boshladi. Bu safar shifokorlar uning ahvolini kislotali refluks bilan izohlashdi. Ammo ayol shifokorlarning aytgan tashxislariga ishonchsizlik bildira boshladi va o‘zini qiynayotgan belgilarni sun’iy intellekt — ChatGPT chatbotiga yozib ko‘rdi.

Ta’sirli jihati shundaki, sun’iy intellekt Lorenda qalqonsimon bez bilan bog‘liq Hashimoto kasalligi borligini aniq va darhol taxmin qildi. Bu autoimmun xastalik bo‘lib, qalqonsimon bez yallig‘lanishi bilan xarakterlanadi. Loren bu ma’lumot bilan shifokorga murojaat qilganida, mutaxassis bunday tashxisning unda bo‘lishi mumkinligini rad etib, oilasida bu kasallik kuzatilmaganini ta’kidladi.

Biroq Loren o‘z fikrida qat’iy turib, shifokorlardan ushbu kasallik bo‘yicha ham tekshiruv o‘tkazishni iltimos qildi. Test natijalari esa ayolda haqiqatan ham Hashimoto kasalligi mavjudligini tasdiqladi. Keyingi bosqichda o‘tkazilgan qalqonsimon bezning ultratovush tekshiruvi natijasida Lorenning bo‘ynida ikkita saraton o‘smasi ham aniqlandi.

2025 yilning yanvar oyida Loren qalqonsimon bez va ikki limfa tugunini olib tashlash bo‘yicha operatsiya o‘tkazdi. Hozirda u hamon shifokorlar kuzatuvida qolmoqda.

Lorenning ta’kidlashicha, agar ChatGPT unga bu tashxisni aniqlab bermaganida, Hashimoto kasalligining klassik belgilarini namoyon etmagani sababli, shifokorlar saratonni payqamay qolishi mumkin edi.

«Shifokorim menga omadim chopganini, kasallik erta bosqichda aniqlanganini aytdi. Agar sun’iy intellektdan foydalanmaganimda, kasallik tarqalib ketgan bo‘lardi, buni aniq bilaman», – deydi Loren Bennon.

Bu holat sun’iy intellektning tibbiyot sohasida qanchalik foydali vosita bo‘lishi mumkinligini yana bir bor isbotladi. Hikoya millionlab insonlarni hayratga soldi va bu sohada yangi imkoniyatlarni ochishi mumkin.
Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?