Renat Muhambayev Dominikan Respublikasida suratga olingan «Yulduzlar junglida. Karib mavsumi» realiti-shousida g‘oliblikni qo‘lga kiritdi. Loyihaning hal qiluvchi bosqichigacha besh ishtirokchi — Anna Sukanova-Kott, Yekaterina Shkuro, Andrey Minin, Irina Pinchuk va Renat Muhambayev yetib keldi. Bu haqda kursiv.uz xabar beradi.
Superfinal yo‘li oson kechmadi: ishtirokchilar murakkab to‘siqlar yo‘lagidan to‘plarni olib o‘tib, keyin yog‘och tayoqchalar yordamida ularni maxsus idishlarga aniq joylashlari kerak edi. Ushbu sinovda birinchi bo‘lib Anna Sukanova-Kott masofani yakunlay olmadi, ko‘p o‘tmay Yekaterina Shkuro ham loyihani tark etdi.
O‘yin davomida alohida qiziqish uyg‘otgan jihatlardan biri — avval chiqib ketgan yulduzlarning so‘nggi ovoz berishi bo‘ldi. Eng ko‘p qo‘llab-quvvatlov Andrey Mininga tegdi: agar u g‘olib bo‘lganida, mukofot jamg‘armasi yana 1 mln rublga oshishi mumkin edi. Biroq hammasini final sinovi hal qildi.
Yakunda superfinalchilar birinchi qavatdan uchinchi qavatgacha ko‘p bosqichli konstruksiyalardan — labirintlar, gaykalar va tugunli elementlar orqali o‘tishlari lozim bo‘ldi. Topshiriqni eng yaxshi bajargan Renat Muhambayev bo‘ldi — u 2015 yilda «Kamizyak o‘lkasi terma jamoasi» tarkibida KVN Oliy ligasi chempioni bo‘lgan. Muhambayevning g‘olibligini Mixail Galustyan e’lon qildi, Olga Buzova esa komik 7 mln rubl miqdoridagi bosh sovrinni olishini ma’lum qildi.
G‘alabadan keyin Muhambayev ko‘z yoshlarini yashira olmadi va bu yutuq u uchun shunchaki o‘yin emasligini aytdi. Uning so‘zlariga ko‘ra, oilasi og‘ir davrni boshdan kechirmoqda: otasi yarim yil ichida o‘ninchi operatsiyani o‘tkazgan, turmush o‘rtog‘ining ota-onasi esa o‘n yildan ortiq qurilgan uy yong‘inida kuyib ketgan.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
