11:15 / 19.11.2015
5 483

OAV: Parijdagi teraktlar tashkilotchisi yo‘q qilindi

OAV: Parijdagi teraktlar tashkilotchisi yo‘q qilindi

Parijdagi teraktlarni tashkil etishda gumon qilingan Abdulhamid Abaud o‘ldirildi. Bu haqda «Gazeta.ru» The Washington Post ma’lumotiga tayanib xabar beradi.

Gumonlanuvchi tergovchilar ma’lumotiga asoslanib, uning joylashgan joyi bo‘yicha o‘tkazilgan polisiya reydi davomida o‘ldirilgan. Abaud Sen-Denida yashirinib, yangi hujumlarga tayyorgarlik ko‘rganligi ma’lum qilinmoqda.

Binoni qurshab olishda 100 dan ortiq polisiyachi va askar qatnashdi. Etti soatdan ortiq davom etgan otishmada ikki kishi, jumladan teraktlar tashkilotchisi ham halok bo‘ldi.

Aynan Abaudning teraktlar tashkilotchisi ekanligi sud-tibbiy ekspertiza xodimlari tomonidan hodisa joyi o‘rganilib, zaruriy tahlillar amalga oshirilgandan so‘ng tasdiqlangan edi.

Eslatib o‘tamiz, 13 noyabr kungi Parijdagi teraktlar tashkilotchisi 27 yoshli Abdulhamid Abaud ekanligi ma’lum qilingan edi.


Manba: Daryo.uz

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Dunyo » OAV: Parijdagi teraktlar tashkilotchisi yo‘q qilindi