69 698
Jahon futbolidagi eng ko‘zga ko‘ringan yulduzlardan biri — Krishtianu Ronalduning kelajagi nihoyat aniq bo‘ldi. Oxirgi haftalarda u Yevropaga qaytadimi, yoki Saudiyada qoladimi, degan savollar muxlislar orasida qizg‘in muhokama etilayotgandi. Ammo Sportitalia tarqatgan ma’lumotlarga ko‘ra, 40 yoshli to‘purar o‘z qarorini qabul qilgan.
“An-Nasr” bilan yana ikki yillik shartnoma
Ma’lumotlarga ko‘ra, amaldagi shartnomasi 30 iyunda yakunlanadigan Ronaldu Saudiya Arabistonining “An-Nasr” klubi bilan hamkorligini yangi ikki yillik bitim orqali uzaytirishga rozi bo‘lgan. Bu qaror bilan Ronaldu 42 yoshigacha Saudiya maydonlarida to‘p surishi kutilmoqda.
Statistika hayratlantiradi!
2023 yil boshida Saudiyaga kelganidan buyon Ronaldu “An-Nasr” tarkibida 98 ta uchrashuvda ishtirok etdi. U shularning 88 tasida gol kiritdi va 19 bor assist qayd etdi. Umumiy rasmiy gollar soni esa hozircha 931 tani tashkil qilmoqda — bu futbol tarixidagi eng yuqori ko‘rsatkichlardan biri hisoblanadi.
FIFAning yangi chempionatida ham ishtirok etishi mumkin
Ma’lumotlarga qaraganda, FIFA tomonidan tashkil etilayotgan yangi formatdagi klublar o‘rtasidagi jahon chempionatida qatnashish uchun ayrim jamoalar Ronalduni qisqa muddatga o‘z safida ko‘rishni rejalashtirayotgandi. Biroq “An-Nasr” bilan uzaytirilgan shartnoma barcha taxminlarga nuqta qo‘ydi.
Ronaldu faoliyatidagi yangi bob rasman boshlandi. 40 yoshida ham yuqori sport formasini saqlab qolayotgan portugal yulduzi “An-Nasr” bilan hali ko‘p narsalarga erishishga intilmoqda. Futbol olamida u hali ham fenomen — va bu qaror uning qayd etiladigan yana ko‘p gollar va tarixiy yutuqlar ostonasida ekanini ko‘rsatmoqda. “Zamin”ni Telegramʻda oʻqing!
23:46, 5-04-2025
