Pishirish jarayonida agar ushbu xatolardan birini qilsangiz hatto, eng foydali mahsulot ham buzilishi mumkin. Nima uchun kartoshkani yuvish kerakligi, tuzdan ko‘ra maxsus ziravorlar foydali ekanligi haqida bilib oling. Bular taom tayyorlayotganingizda, albatta, asqatadi.
Ziravorlar o‘rniga tuz ishlatasiz
Taom sizga bemazadek tuyulsa, uning ta’mini tuz bilan yaxshilashga urinmang — natriy xlorid organizmdagi suyuqlikni ushlab turadi va shish paydo qiladi. Mahsulotlarni xushta’m qilish, ammo sog‘lig‘ingizga zarar yetkazmaslik uchun ziravorlar bilan tajriba o‘tkazib ko‘ring. Ular nafaqat foydali, balki, ziravorlar tuzdan farqli o‘laroq taomni sho‘r qilmaydi. Idishlardagi tuzni limon sharbati, selderey, yangi yoki quritilgan pomidor, sarimsoq, sirka, kinza, rayhon, petrushka, zira va xantal bilan almashtirish mumkin.
O‘simlik yog‘ini haddan tashqari qizdirasiz
Ko‘pgina o‘simlik moylarini isitish mumkin, ammo zaytun moyi va kokos yog‘i kabi ba’zi yog‘lar issiqlikka chidamsiz. Agar tovadagi moy tutashni boshlasa, bilingki, bir necha daqiqa ichida u barcha foydali xususiyatlarini yo‘qotadi. Qovurishda kungaboqar yog‘idan foydalaning va tayyor taomlarga lazzat uchun zaytun va zig‘ir urug‘ini qo‘shing.
Sabzavotlarni juda uzoq pishirasiz
Sabzavotlardan maksimal foyda olish uchun ularni xom holda iste’mol qilgan yaxshi. Kaliforniya universiteti olimlarining fikriga ko‘ra, issiqlik bilan ishlov berish suvda eruvchan vitaminlar — C va B vitaminlarini, shuningdek, polifenollar deb nomlanuvchi oziq moddalar guruhini yo‘q qiladi. Tayyorlash usuliga qarab yo‘qotishlar 15 dan 55 foizgacha bo‘lishi mumkin.
Yuqori harorat yog‘da eriydigan A, D, E va K vitaminlari va antioksidant karotin moddasiga ta’sir qilmaydi. Faqat qaynatish yoki bug‘da pishirish tavsiya etiladi. Chuqur qovurish va tovada qovurishda sabzavotlardagi foydali moddalardan deyarli hech narsa qolmaydi.
Barcha meva va sabzavotlarni tozalaysiz
Oziq moddalarning asosiy miqdori ba’zi sabzavot va mevalarning qobig‘ida to‘planganligini bilasizmi? Kartoshka po‘stlog‘ida 50 foiz kletchatka bo‘lib, ochlikni bostiradi va ovqatning ovqat hazm qilish trakti orqali harakatlanishiga yordam beradi. Olma po‘sti saraton rivojlanishining oldini oluvchi antioksidant bo‘lgan kversetinning deyarli to‘liq zaxirasini o‘z ichiga oladi. Kivining mayin “terisi” E vitamini va flavonoidlarning boy manbaidir.
Asalni eritasiz
Asal hamisha suyuqligicha qolmaydi. Yig‘imdan bir necha oy o‘tgach, u tabiiy kristallanish jarayonidan o‘tadi va xamirning qattiqligidek mustahkamlik hosil qiladi. Shu bilan birga u foydali xususiyatlarini yo‘qotmaydi va bu shaklda yillar davomida saqlanishi mumkin, mazali va xushbo‘y bo‘lib qoladi.
“Xom” tuzdan foydalanasiz
Tuzning zarari haqida hamma biladi. Ammo bordi-yu undan foydalanishdan butunlay voz kechishga tayyor bo‘lmasangiz, hech bo‘lmaganda uni “xom” shaklida ishlatmang. Mutaxassislarning fikriga ko‘ra, pishirish jarayonida tuz eriydi va yuqori harorat sharoitida bu mineral buyrak, qon tomirlari va limfa tizimiga kamroq zarar yetkazadi.
Kartoshkani yuvmasdan qaynatasiz
2015-yilda Yevropa Ittifoqining Oziq-ovqat xavfsizligi boshqarmasi hisobotida xavfli kanserogen akrilamid bo‘lgan mahsulotlar aniqlangan. Ular orasida kartoshka ham bor edi. Ilm-fan kraxmalli oziq-ovqatlar yuqori haroratda qovurilgan yoki pishirilganda uning darajasi keskin ko‘tarilishidan xabardor. Darvoqe, tayyor kartoshkali taomning uzoq muddat saqlanishi ham akrilamid darajasining o‘sishiga yordam beradi.
Ushbu xavfli moddaning organizmga kirishiga yo‘l qo‘ymaslikning yagona yo‘li bor — kartoshka, chipslar va uni o‘z ichiga olgan boshqa mahsulotlardan butunlay voz kechish. Agar buning iloji bo‘lmasa, kartoshkani 2 soat davomida suvga bo‘ktirib qo‘yish orqali uning paydo bo‘lish xavfini kamaytirishga harakat qiling.
“Zamin” yangiliklarini “Vkontakti”da kuzatib boring
