Kaliforniya universiteti olimlari inson organizmining shakarning zararli ta’sirlariga qarshi tabiiy himoya mexanizmini aniqladilar, deb xabar berdi MedicalXpress.
Tadqiqot natijalariga ko‘ra, inulin nomli tabiiy tola organizmda muhim rol o‘ynaydi. U ichakdagi foydali bakteriyalarga ta’sir qilib, fruktozaning jigar yetib borishidan oldin uning so‘rilishini cheklaydi. Shu yo‘l bilan u jigarni ortiqcha yuklanishdan himoya qiladi.
Inulin piyoz, sarimsoq, artishok va ba’zi sabzavotlarda tabiiy ravishda uchraydi. Olimlar inulinni “jigarni himoya qiluvchi tabiiy filtr” deb atadilar — u shakarning parchalanish jarayonini boshqarib, organizmda yog‘ to‘planishining oldini oladi.
Mutaxassislarning ta’kidlashicha, ichak mikroflorasi shakarning jigar yetib borishidan oldin uni metabolizatsiya qilishi mumkin, ammo bu faqat yetarli tola mavjud bo‘lganda amalga oshadi. Agar organizmda tola yetishmasa, fruktoza to‘g‘ridan-to‘g‘ri jigar yetib, uni ortiqcha yuklaydi va yog‘ to‘planishiga sabab bo‘ladi.
Olimlar, shuningdek, bu muammo faqat semizlikka moyil odamlargagina tegishli emasligini qayd etdilar. Hatto tashqi ko‘rinishidan sog‘lom bo‘lgan odamlar ham insulin qarshiligi va jigar stressini boshdan kechirishlari mumkin.
Tadqiqotchilarning fikricha, inulin va boshqa tolalarga boy parhez turmush tarzini o‘zgartirishning eng oddiy, ammo samarali usuli bo‘lib, metabolik kasalliklarning oldini olishda katta ahamiyatga ega.
Shu tariqa, Kaliforniya universiteti olimlari inson organizmidagi ichak mikroblari va tabiiy tolalarning birgalikdagi faoliyati shakarning zararli ta’sirini kamaytirishda hal qiluvchi omil bo‘lishi mumkinligini isbotladilar.
“Zamin”ni Telegramʻda oʻqing!
