Ushbu maqolada ulamolar tavsiya qilgan va Allohning tavfiqi ila yodlash qobiliyatning oshishiga yordam berishi aytilgan ba’zi taomlar bilan tanishtirib o‘tamiz.
Asal. Zuhriy suhbatlarning birida Ibn Jurayjga: “Sen asalni lozim tut, albatta, u yodlash uchun yaxshidir”, dedi.
Sigir suti. Bir kishi Ali ibn Abu Tolib roziyallohu anhuga ko‘p unutishidan shikoyat qildi. Shunda u kishi: “Sen sigirning sutini lozim tut. Albatta, u qalbga darmon bo‘lur va unutishni ketkazur”, dedilar. Xotib rivoyat qilgan.
Mayiz. Ibn Qoyyum mayiz yaxshi ozuqa bo‘lishini va oshqozonni kuchaytirib, yodlashga manfaatli bo‘lishini aytgan. Zuhriy: “Kim hadis yodlashni xush ko‘rsa, mayiz yesin”, degan.
Luban. Bir kishi Anas ibn Molikka unutishidan shikoyat qildi. Shunda u kishi: “Sen kundurni lozim tut. U lubandir. Kechasi uni ivitib qo‘y. Subhda uyg‘onganingda undan bir ichishlik olib, nahor payti och qoringa ich. Albatta, u unutishni davolashga yaxshidir”, dedilar.
*kundur: bosvelliya, ladan.
*luban: bosvelliya, kammifora.
Misvok. Rasululloh sallallohu alayhi vasallam: “Misvok og‘izni poklovchi va Robbni rozi qiluvchi”, dedilar. Uning foydalaridan: u og‘izni xushbo‘y qiladi, balg‘amni kesadi, ovozni musaffo qiladi, o‘qishga jonlantiradi, his qilishni sof qiladi va uyquni haydaydi.
Balg‘am va namlikni kamaytiruvchi har bir narsa, Zarnujiy (“Ta’lim-ul-muta’llim”)da aytadiki: Balg‘am va namlikni kamaytiruvchi har bir narsa yodlashni ziyoda qiladi. Balg‘am ko‘paygan sari unutishni keltirib chiqaradi”, dedi.
Yodlashni niyat qilib Zamzam suvini ichish.
Ali roziyallohu anhudan rivoyat qilinadi: Rasululloh sollallohu alayhi vasallam: “Zamzam suvi ochga taom, kasalga shifo”, dedilar.
Zamzam suvidan ko‘pgina salafi solihlar har xil niyatlar bilan ichishgan. Bas, Alloh ularga istijobat qilgan.
Bu mavzuga yakun yasab aytamizki, o‘sha asal, mayiz, luban, sutdan bo‘lgan taomlar, Alloh taoloning tavfiqi ila yodlash qobiliyati oshishiga foyda beradi. So‘ngra to‘g‘ri aziymat va yodlashga jiddiy rag‘bat yordam beradi. Bu narsalar siloh kabidir. Uni shijoatli, yaxshi ishlatadigan kishi ishlatsa, maqsadga yetadi. Bo‘lmasa yo‘q. Ayb silohda bo‘lmaydi, uni ishlatadigan qo‘lda bo‘ladi. Bo‘lmasa o‘tgan narsalardan tanavvul qilgan har bir kishi hofiz bo‘lib ketar edi.
Jundab ibn Abdulloh roziyallohu anhu: “Rasululloh sollallohu alayhi vasallam bilan ziyrak turadigan yigitchalar edik. Bas, iymonni Qur’ondan avval o‘rgandik, so‘ngra Qur’onni o‘rganib, u ila iymonimiz ziyoda bo‘ldi”, dedilar.
Manba: Islomota.uz “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Amerikalik olimlar barcha uchun birdek foydali jismoniy faollik turini aniqladi
Rossiya dunyodagi birinchi vodorod yoqilg‘ili avtomobilni taqdim etdi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Mariya Zaxarova ukrainaliklarni Amerika hindulariga o‘xshatdi
Vladimir Putin «Krokus»da sodir etilgan terakt uchun o‘ch olishga chaqirdi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi