O'zbekiston Respublikasi Prezidenti Shavkat Mirziyoyev Toshkent davlat yuridik universiteti (TDYU) kampusini Yangi Toshkentda qurish bo'yicha qaror imzoladi. Adliya vazirligiga buyurtmachi bilan birgalikda eng maqbul loyihani tanlash va qurilish ishlariga kirishish topshirildi.
Loyihani amalga oshirish uchun xalqaro institutlar va xorijiy banklardan imtiyozli moliyalashtirish jalb qilinishi rejalashtirilgan. 2026/2027 o'quv yilidan boshlab TDYUda dual ta'lim tizimi joriy etiladi.
Ikkinchi, uchinchi va to'rtinchi kurs talabalari dasturining yarmiga yaqinini auditoriyalarda, qolgan qismini esa amaliyotda – sudlar, yuridik idoralar, advokatlik tashkilotlari va boshqa muassasalarda o‘taydilar. Universitet xorijiy hamkorlar bilan hamkorlikni kengaytiradi.
TDYUda Yevropa huquqi markazi, JST huquqi markazi, Ingliz huquqi markazi va boshqa yuridik tashkilotlar tashkil etiladi. Ular Yevropa, AQSh, Buyuk Britaniya, Turkiya va Xitoy universitetlari bilan hamkorlikda ishlaydi.
Talabalar xalqaro kompaniyalar va nizolarni hal qilish markazlarida amaliyot va stajirovka o'tash imkoniyatiga ega bo'ladilar. TDYU o'qituvchilari uchun kelasi yildan boshlab dunyoning yetakchi universitetlarida tajriba almashish va stajirovka dasturlari yo'lga qo'yiladi.
Mehmon guruhidagi foydalanuvchilar ushbu nashrga izoh qoldira olmaydi.
