Ўзбекистон Республикаси Президенти Шавкат Мирзиёев Тошкент давлат юридик университети (ТДЮУ) кампусини Янги Тошкентда қуриш бўйича қарор имзолади. Адлия вазирлигига буюртмачи билан биргаликда энг мақбул лойиҳани танлаш ва қурилиш ишларига киришиш топширилди.
Лойиҳани амалга ошириш учун халқаро институтлар ва хорижий банклардан имтиёзли молиялаштириш жалб қилиниши режалаштирилган. 2026/2027 ўқув йилидан бошлаб ТДЮУда дуал таълим тизими жорий этилади.
Иккинчи, учинчи ва тўртинчи курс талабалари дастурининг ярмига яқинини аудиторияларда, қолган қисмини эса амалиётда – судлар, юридик идоралар, адвокатлик ташкилотлари ва бошқа муассасаларда ўтайдилар. Университет хорижий ҳамкорлар билан ҳамкорликни кенгайтиради.
ТДЮУда Европа ҳуқуқи маркази, ЖСТ ҳуқуқи маркази, Инглиз ҳуқуқи маркази ва бошқа юридик ташкилотлар ташкил этилади. Улар Европа, АҚШ, Буюк Британия, Туркия ва Хитой университетлари билан ҳамкорликда ишлайди.
Талабалар халқаро компаниялар ва низоларни ҳал қилиш марказларида амалиёт ва стажировка ўташ имкониятига эга бўладилар. ТДЮУ ўқитувчилари учун келаси йилдан бошлаб дунёнинг етакчи университетларида тажриба алмашиш ва стажировка дастурлари йўлга қўйилади.
Меҳмон гуруҳидаги фойдаланувчилар ушбу мақолага изоҳ қолдира олмайди.
