"Barselona" Belgiya "Genk" klubining markaziy himoyachisi Yuvenlsi Onsteynni safiga qoʻshib olishni rejalashtirmoqda. Insayder Matteo Moretto xabariga ko'ra, tomonlar transfer shartlari bo'yicha kelishuvga yaqin, 18 yoshli futbolchining o'zi ham "ko'k-anorranglilar" taklifiga rozilik bildirgan. Bu haqda euro-football.ru xabar beradi.
Niderlandiyalik iste'dod hozircha "Genk"ning ikkinchi jamoasi safida to'p suradi va asosiy tarkibda debyut qilmagan. Shunga qaramay, Kataloniya klubi uning salohiyatiga ishonmoqda va futbolchini bosqichma-bosqich o'stirishga qaratilgan uzoq muddatli reja ustida ishlamoqda.
Onsteyn "Yong Genk" safida Belgiya ikkinchi ligasida 20 uchrashuvda maydonga tushgan. Markazda o'ynashdan tashqari, u himoyaning chap qanotida ham harakat qila oladi. Avvalroq u "Ayaks" akademiyasida tahsil olgan, Transfermarkt portali esa futbolchini 200 ming yevroga baholamoqda.
“Zamin”ni Telegramʻda oʻqing!
