O'zbekistonning aksariyat hududlarida 24-noyabr kuni yog'ingarchiliksiz iliq ob-havo kuzatiladi, deya xabar bermoqda O'zgidromet. Toshkent, Samarqand va Jizzaxda kunduzgi harorat +18° gacha ko'tarilishi, kechasi esa +0…+5° oralig'ida bo'lishi kutilmoqda.
Qashqadaryo va Surxondaryo viloyatlarida harorat kunduzi +19° gacha yetishi, kechasi esa +2…+7° oralig'ida bo'lishi prognoz qilinmoqda. Biroq, mamlakatning shimoli-g'arbiy hududlarida kechasi -2° gacha sovuq bo'lishi mumkin, kunduzi esa havo +17° gacha isiydi.
Farg'ona vodiysida kunduzi +11…+16°, kechasi esa +0…+5° harorat bo'lishi kutilmoqda. Toshkent va Farg'ona viloyatlarining ayrim hududlarida ertalab tuman kuzatilishi mumkin.
Tog'li hududlarda harorat kunduzi +14° dan oshmasligi kutilyapti.
Mehmon guruhidagi foydalanuvchilar ushbu nashrga izoh qoldira olmaydi.
