Oʻzbekistonda 2025 yil davomida aviakompaniyalar yangi yoʻnalishlar boʻyicha 33 ta reysni yoʻlga qoʻydi. Transport vazirligi maʼlumotiga koʻra, yil yakunida havo yoʻlovchilari oqimi 15,6 mln kishiga yetdi.
Hozir mamlakatda 17 ta mahalliy va 51 ta xorijiy aviakompaniya faoliyat yuritmoqda. Oʻzbek tashuvchilarining aviaparkida 109 ta samolyot bor, shuningdek, yana 22 ta zamonaviy Boeing-787 xaridi boʻyicha shartnomalar imzolangan.
2025 yilda Andijon aeroporti toʻliq yangilandi, Sariosiyo aerodromi ham modernizatsiya qilindi. Toshkentda «Toshkent – Humo» majmuasi ishga tushirildi, viloyatda esa yangi xalqaro aeroport qurilishi boshlangan.
Rejalarga koʻra, 2026 yilda aviatsiya sohasida reyslar sonini 140 mingtagacha yetkazish va 17 mln yoʻlovchiga xizmat koʻrsatish koʻzda tutilgan.
“Zamin”ni Telegramʻda oʻqing!
