Maktabgacha va maktab ta’limi vazirligi xabariga ko‘ra, xorijiy til darslarini beradigan o‘qituvchilarga kamida B2 darajadagi milliy yoki xalqaro sertifikat olish uchun muddat 2026/2027-o‘quv yilining boshlanishigacha uzaytirildi.
2021-yilda hukumat qarori bilan maktablardagi xorijiy til o‘qituvchilari sertifikatga ega bo‘lishi shartligi belgilangan va ularga sertifikat olish uchun dastlab 3 yil muddat berilgan edi. Shu bilan birga, sertifikatga ega bo‘lgan o‘qituvchilar qo‘shimcha ustama bilan rag‘batlantirilishi ko‘zda tutilgan.
2024-yil va 2025-yillarda ham ko‘plab o‘qituvchilar sertifikat olmaganligi sababli e’tiroz bildirdi. Shu munosabat bilan hukumat muddatni bir necha bor uzaytirib, oxirgi qarorga ko‘ra, o‘qituvchilar sertifikat olish uchun 2026-yil sentyabrga qadar imkoniyatga ega bo‘ladi.
Shunday qilib, 2021-yildan boshlab maktablardagi xorijiy til o‘qituvchilari kamida B2 darajadagi sertifikat olish uchun jami 5 yil muddatga ega bo‘ladi. Vazirlik o‘qituvchilarning tayyorgarlik ko‘rishi va sertifikat olish imkoniyatlaridan foydalanishini ta’kidlamoqda.
“Zamin”ni Telegramʻda oʻqing!
