«O‘zgidromet» haftalik ob-havo to‘g‘risida ma’lumot berdi

Bugun va ertaga O‘zbekiston hududining katta qismida yog‘ingarchilik kutilmaydi, faqat Farg‘ona vodiysi viloyatlarida va tog‘li hududlarda ba’zi joylarda qisqa muddatli yomg‘ir yog‘ishi, momaqaldiroq bo‘lishi mumkin. Havo harorati kunduz kunlari 34-39 daraja issiqni, shimolda va cho‘l hududlarda 41-42 daraja issiqni tashkil etadi.

“O‘zgidromet” xabariga ko‘ra, 21 iyuldan 23 iyulgacha faqat respublikaning tog‘li hududlarida qisqa muddatli yomg‘ir yog‘ishi ehtimoli bor, tekislik hududlarda yog‘ingarchilik kutilmaydi.

Harorat asta-sekin ko‘tariladi va 23 iyul, juma kuniga kelib harorat kunduz kunlari 39-42 daraja issiqqacha ko‘tariladi, shimolda, janubda va cho‘l hududlarda 44 daraja issiq bo‘ladi. “Zamin”ni Telegramʻda oʻqing!