O'zbekistonda 2027-yildan boshlab maktab bitiruv va oliy ta'lim muassasalariga kirish imtihonlarini birlashtiruvchi yagona davlat imtihoni tizimi yo'lga qo'yiladi. Mazkur yangilik ta'lim jarayonini soddalashtirish va o'quvchilar yuklamasini kamaytirishga xizmat qiladi.
Yangi tartibga ko'ra, o'quvchilar ikkita majburiy fan — ona tili va matematika fanlaridan sinovdan o'tadilar. Shuningdek, tanlangan yo'nalish va mutaxassislikka qarab yana ikkita qo'shimcha fan bo'yicha imtihon topshirish talab etiladi.
Imtihonlarda ishtirok etish uchun ro'yxatdan o'tish jarayoni har yili 1-yanvardan 31-martgacha davom etadi. Tizim dastlab 2026–2027-o'quv yilida ayrim hududlarda sinovdan o'tkaziladi, 2027–2028-yillarda esa butun mamlakat bo'ylab tatbiq qilinadi.
“Zamin”ni Telegramʻda oʻqing!
