Rossiya Raqamli rivojlanish vazirligi qonunchilik talablarini bajarmayotgan VPN xizmatlaridan foydalanishga qarshi kurashish bo'yicha choralar ko'rilayotganini ma'lum qildi. Bu haqda vazirlikning Aloqa kompaniyalari assotsiatsiyasiga yo'llagan rasmiy javob xatida so'z boradi. Bu haqda Ixbt.com xabar beradi.
Hujjatda keltirilishicha, vakolatli davlat organlari bilan hamkorlikda taqiqlangan resurslarga kirish imkonini beruvchi vositalarga cheklovlar qo'yilmoqda. Shu bilan birga, vazirlik mobil tarmoq foydalanuvchilari uchun xalqaro internet trafigiga qo'shimcha tariflar joriy etish mexanizmini ishlab chiqmoqda.
Avvalroq aloqa operatorlariga oyiga 15 GB dan ortiq xalqaro trafikdan foydalanganlik uchun haq olish taklif qilingan edi. Hozirda ushbu mexanizmning aniq parametrlari mutaxassislar tomonidan o'rganilmoqda.
Rossiyada VPN ilovalarini yuklab olish ko'rsatkichi keskin oshgani kuzatilgan.
“Zamin”ni Telegramʻda oʻqing!
