Superkompyuter Chempionlar ligasi gʻolibini bashorat qildi

Opta mutaxassislari UEFAning asosiy klublar turnirida jamoalarning imkoniyatlarini hisoblash uchun superkompyuterni ishga tushirishdi. Ushbu mashinadan Chempionlar ligasida kim gʻolib boʻlishini soʻrashdi.

Javob quyidagicha boʻldi: Chempionlar ligasi kubogini qoʻlga kiritish uchun eng katta imkoniyatga "Arsenal" ega. London jamoasining gʻoliblik ehtimoli 23,53% deb baholandi.

Qizigʻi, “kanonirlar” muzeyida hali Yevropa chempionlari kubogi yoʻq va ular Angliya Premer-ligasida oxirgi marta 2004 yilda chempion boʻlishgan. Ikkinchi oʻrinda "Bavariya" joylashdi.

Uning gʻalaba qozonish ehtimoli 14,33%. Uchinchi oʻrinda esa "Manchester Siti" qayd etilgan boʻlib, uning imkoniyati 12,95% deb baholandi.

Keyingi oʻrinlarda "Liverpul" (11,72%), "PSJ" (10,22%), "Real" (4,7%) va "Barselona" (4,24%) joylashgan. “Zamin”ni Telegramʻda oʻqing!