2025-yil 9-noyabr kuni Kaliningrad shahridagi "Rostex Arena" stadionida Rossiya premer-ligasining 15-tur uchrashuvida "Baltika" va "Krasnodar" jamoalari 1:1 hisobida durang o‘ynadi. Uchrashuvning uchinchi daqiqasida Eduard Spertsyan hisobni ochgan bo‘lsa, oradan bor-yo‘g‘i ikki daqiqa o‘tib, Brayyan Xil javob goli bilan hisobni tenglashtirdi.
O‘yin davomida ikkala jamoa ham bir necha imkoniyatlarga ega bo‘ldi, biroq g‘alaba golini ura olishmadi. O‘yin juda tezkor boshlandi.
3-daqiqada Gaitan Perrenning uzatmasidan so‘ng Spertsyan hisobni ochdi — 0:1. Ammo 5-daqiqada Vladislav Beveyevning uzoqdan tashlagan autidan so‘ng Belikov to‘pni Xilga uzatdi va u havoda zarba berib hisobni tenglashtirdi — 1:1.
G‘ayratli boshlangandan so‘ng o‘yin biroz tinchlandi. Jamoalar navbatma-navbat tashabbusni qo‘lga olib, faol himoya va pressing uyushtirishdi.
Birinchi bo‘limning o‘rtalariga kelib, Aleksandr Chernikov ajoyib hujum amalga oshirdi, u to‘rtta himoyachini aldab o‘tib, yaqin masofadan zarba berdi. Ammo "Baltika" darvozaboni Andrade jamoasini gol o‘tkazib yuborishdan qutqarib qoldi.
Tanaffus oldidan Titkov va Batchining zarbalari aniq emasdi, "Krasnodar" darvozaboni Agkatsev esa barcha xavfli to‘plarni o‘z vaqtida ushlab oldi. Ikkinchi bo‘limda jamoalar bir qator o‘zgarishlar kiritdi.
"Baltika" hujumni Manelov va Kovalyov bilan kuchaytirgan bo‘lsa, "Krasnodar" Muqaylov va Kozlovni maydonga tushirdi. 56-daqiqada "Baltika" futbolchisi Irakliy Manelov Perrinning xatosidan foydalanib, Filinning zarbasi orqali hisobni o‘zgartirishga yaqin keldi, ammo to‘p to‘singa tegib qaytdi.
Bir necha daqiqadan so‘ng Belikovning jarima maydonchasidan uzatilgan to‘pi ustunga tegdi. "Krasnodar" Spertsyan orqali standart holatlardan gol urishga urinib ko‘rdi, lekin to‘p darvoza to‘riga yo‘l topmadi.
O‘yin oxiriga kelib, "Baltika" murabbiyi Andrey Talalayev yangi o‘yinchilarni maydonga tashladi, ammo Piterov va Manelovning zarbalarini Agkatsev muvaffaqiyatli qaytardi. So‘nggi daqiqalarda Andrade jarima zarbasini amalga oshirdi, lekin Agkatsev yana bir bor "Krasnodar"ni qutqarib qoldi.
Uchrashuv natijasida "Krasnodar"ning mag‘lubiyatsiz seriyasi besh o‘yinga yetdi va ular turnir jadvalining yuqori qismida o‘z o‘rnini saqlab qoldi. "Baltika" esa mazkur durang natijasida yevrokubok zonasi pozitsiyasida qolgan bo‘lsa-da, peshqadamlarga yaqinlashish imkoniyatini boy berdi.
