Nigeriyaning Ogun shtati hukumati taniqli bokschi Entoni Joshua ishtirokidagi avtohalokatdan so‘ng uning sog‘ligi haqida rasmiy ma’lumot berdi. Mahalliy ma’muriyat bayonotiga ko‘ra, sportchi va yana bir yo‘lovchi zudlik bilan Lagos shahridagi ixtisoslashtirilgan tibbiy muassasaga olib borilgan.
Ma’lum qilinishicha, shifoxonada o‘tkazilgan keng qamrovli tibbiy tekshiruvlardan keyin shifokorlar har ikki jabrlanuvchining ham ahvoli barqaror ekanini tasdiqlagan. Ularga shoshilinch jarrohlik yoki qo‘shimcha tibbiy aralashuv talab etilmagan. Shu bilan birga, bemorlarning holatini doimiy nazoratda ushlab turish maqsadida alohida tibbiy guruh tashkil etilgan.
Ogun shtati hukumati bayonoti BBC orqali jamoatchilikka yetkazildi. Rasmiylar Joshuaning ahvoli barqarorligini ta’kidlar ekan, barcha tibbiy jarayonlar xalqaro standartlarga muvofiq olib borilayotganini bildirishdi.
Afsuski, mazkur avtohalokat og‘ir yo‘qotishlarsiz o‘tmadi. Voqea oqibatida Entoni Joshuaning murabbiylari — Kevin Latif va Sina Gxami halok bo‘lgani ma’lum qilindi. Bu xabar sport olamida katta qayg‘u bilan qabul qilinmoqda.
Hozirda bokschining sog‘lig‘i shifokorlar nazorati ostida bo‘lib, uning ahvoli qoniqarli, deya baholanmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
