PSJ Fransiya chempionatining 15-turida "Renn" jamoasini Parijdagi uy uchrashuvida 5:0 hisobida mag‘lubiyatga uchratdi. Mezbon jamoa ayniqsa ikkinchi bo‘limda to‘liq ustunlikni qo‘lga oldi.
Parijliklar tezda tashabbusni qo‘lga olib, "Renn" himoyasining o‘ng qanotidan muvaffaqiyatli foydalanishdi. Ular qisqa uzatmalar bilan raqib jarima maydonini bosim ostida ushlab turdi.
Ko‘p o‘tmay Xvicha Kvaratsxeliya qanotdan markazga o‘tib, ikki himoyachini aldab o‘tdi va yaqin burchakka aniq zarba yo‘lladi. Bu gol PSJ ustunligini oshirdi va "Renn"ni orqaga chekinishga majbur qildi.
Bir necha daqiqadan so‘ng Senni Mayulu hisobni ikki barobarga oshirdi. Barkola jarima maydoniga yorib kirib, hujumchini aniq uzatma bilan ta’minladi.
Mayulu uzoq burchakka zarba berib, gol kiritdi. "Renn" qanotlardan hujum qilishga harakat qildi, biroq xavfli vaziyatlar kam yaratildi.
Parijliklar himoyasi ishonchli o‘ynab, raqibni darvozadan uzoq tutishga muvaffaq bo‘ldi. Ikkinchi bo‘limda PSJ o‘yinni nazorat qilishda davom etdi.
Xvicha yana bir gol urdi. Tezkor kombinatsiya yakunlanib, u to‘pni darvozaning tepaga yaqin burchaga yo‘lladi.
Mezbonlar amalga oshirgan o‘zgarishlar bosimni kuchaytirib, to‘rtinchi golga olib keldi. Ibrayim Mbaye qanotda to‘pni qabul qilib, markazga o‘tdi va uni uzoq burchakka aniq zarba bilan joyladi.
Yakuniy gol Gonsalo Ramos tomonidan kiritildi. U Dembele uzatmasidan keyin qarshi hujumni yakunlab, yaqin burchakka zarba berdi.
"Renn" o‘yinchisi Jakening maydondan chetlatilishi raqibni yanada qiyin ahvolga solib qo‘ydi va o‘yinning natijasini o‘zgartirishga imkoniyat bermadi.
PSJ – Renn 5:0
Gollar: Xvicha 28, 67, Mayulu 39, Mbaye 88, Ramush 90+2
PSJ – Safonov, Ernandes, Pacho, Markinos, Zair-Emeri, Vitinya (Ruiz, 71), Mayulu, Li Kang In (Dembele, 64), Nevesh (Mbaye, 80, Xvitsa (Ramush, 71), Barkolya.
Renn – Samba, Boudlal, Jake, Brasse, Frankovski, Kamara (Blas, 82), Ronje, Sisse, Tamari, Lepaul, Embolo (Meyte, 82)
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
