Angliya chempionatining 23-tur dasturi “Everton” va “Lids” uchrashuvi bilan yakunlandi. Tomonlar 90 daqiqada bittadan gol urib, ochkolarni bo‘lishib olishdi. Bu haqda euro-football.ru xabar beradi.
28-daqiqada mehmonlar hisobni ochdi: Jeyden Bogl qanotdan jarima maydoniga to‘p uzatdi, Anton Stahning past uzatmasi esa uzoq ustunda turgan Jeyms Jastinga qulay keldi. Himoyachining kuchli zarbasi darvozadan joy oldi — 0:1.
“Everton” javob golini izlar ekan, Kalvert-Lyuin bir vaziyatda bir teginishda zarba berdi, ammo to‘p yaqin ustunga tegdi. Yana bir epizodda Jeyms Garnerning uzatmasidan so‘ng Tyerno Barri jarima maydoni ichidan aniq yo‘llagan zarbani darvozabon sakrab qaytardi.
76-daqiqada mezbonlar baribir tenglikka erishdi: Idrissa Gueye qanotda to‘pni olib qoldi va kurashda past uzatmani darvoza oldiga yo‘lladi. Barri himoyachilardan ilgarilab, bir teginishda to‘pni darvozaning yuqori qismiga yo‘naltirdi — 1:1.
Uchrashuv so‘ngida “Everton” g‘alaba goliga yaqin kelgan vaziyat ham bo‘ldi: Garner jarima maydonida to‘pni ushlab qolib, ortga pas berdi, Gueyening bir teginishdagi zarbasidan keyin mehmonlarni to‘sin qutqardi.
Durangdan so‘ng “Everton” turnir jadvalida 10-o‘rinda qolmoqda, “Lids” esa 16-pog‘onada bormoqda.
“Zamin”ni Telegramʻda oʻqing!
