Markaziy himoyachi Jamaliddin Xodjaniyozov «Surxon» bilan kelishuvini yana ikki mavsumga uzaytirdi. 29 yoshli futbolchi jamoa safida 2024 yildan buyon to‘p surib kelmoqda.
6 yanvar holatiga ko‘ra, himoyachining transfer qiymati 300 ming yevro (352 ming dollar) deb baholangan. Xodjaniyozov «Surxon»dagi bir yarim yil davomida 39 ta uchrashuvda maydonga tushdi.
Bunga qadar u Sankt-Peterburgning «Zenit», Qozonning «Rubin», Kaliningradning «Baltika» klublari hamda Daniyaning «Orxus» jamoasida o‘ynagan. Shuningdek, futbolchi Rossiya U-17 terma jamoasi tarkibida Yevropa chempionligi unvonini ham qo‘lga kiritgan.
Klub matbuot xizmati Xodjaniyozovning tajribasi va yetakchilik fazilatlari jamoa uchun muhim ekani, u yosh futbolchilar uchun namuna bo‘lib xizmat qilayotganini ta’kidladi.
“Zamin”ni Telegramʻda oʻqing!
