APLning 21-turi doirasida «Kristal Pelas» «Selherst Park» stadionida «Aston Villa»ni qabul qildi. Uchrashuv 0:0 hisobida yakunlandi. Bu haqda kursiv.uz xabar beradi.
O‘yin boshida jamoalar ehtiyotkor harakat qildi: mezbonlar asosan maydon markazini nazorat qilishga urinib, tempni pasaytirdi. «Aston Villa» esa to‘p nazorati orqali javob qaytardi, biroq hujumlarda keskinlik yetishmadi. Shu bois birinchi bo‘limda xavfli vaziyatlar deyarli kuzatilmadi.
Tanaffusdan keyin bahs jonlandi. «Aston Villa» bosimni oshirdi: Uotkins qanotdan uzatilgan to‘pdan so‘ng ustunga tekkizib yubordi, Rodjers esa yaqin masofadan darvozani nishonga ololmay, to‘pni yuqoriga oshirdi.
«Kristal Pelas» asosan standart vaziyatlar va uzoqdan zarbalar orqali javob qaytardi. O‘yin so‘ngida mehmonlar ketma-ket burchak zarbalari ishladi, ammo «burgutlar» himoyasi tartibli harakat qilib, darvozasi daxlsizligini saqlab qoldi. Qo‘shib berilgan daqiqalar ham hisobni o‘zgartirmadi.
“Zamin”ni Telegramʻda oʻqing!
