2026 yil 1 yanvar kuni soat 17:00 holatiga ko‘ra, O‘zbekiston bo‘ylab jami 1094 nafar chaqaloq dunyoga keldi. Tug‘ilgan bolalarning 539 nafari o‘g‘il bola, 555 nafari esa qiz boladan iborat bo‘ldi.
Hududlar kesimida eng ko‘p tug‘ilish Farg‘ona viloyatida qayd etildi. Ushbu viloyatda 138 nafar chaqaloq tug‘ilgan. Keyingi o‘rinlarda Surxondaryo viloyati 135 nafar, Samarqand viloyati 125 nafar, Qashqadaryo viloyati 121 nafar va Namangan viloyati 110 nafar ko‘rsatkich bilan joy oldi.
Eng kam tug‘ilish Sirdaryo viloyatida kuzatilib, u yerda 19 nafar chaqaloq tug‘ildi. Shuningdek, respublika bo‘ylab 17 ta egizak holati qayd etilib, jami 37 nafar bola dunyoga keldi.
Bayram kunlari aholiga tibbiy xizmat ko‘rsatish uchun mamlakat bo‘ylab 4913 nafar tibbiyot xodimi navbatchilik asosida faoliyat yuritmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
