Turkiyaning “Kayserispor” klubida to‘p surayotgan rossiyalik yarim himoyachi Denis Makarov jarohat olib, noma’lum muddatga maydonga tusha olmaydi. Bu haqda klub matbuot xizmati xabar berdi. Bu haqda euro-football.ru xabar beradi.
Tibbiy tekshiruvlar natijasida futbolchining o‘ng sonining yuqori qismidagi mushaklar guruhida yengil shikast va shish aniqlangani ma’lum qilindi. Hozirda Makarovning davolanish jarayoni davom etmoqda.
Makarov “Kayserispor” safidagi debyutini 3 fevral kuni “Galatasaray”ga qarshi o‘yinda o‘tkazgandi. Uchrashuv 0:4 hisobida yakunlangan, klub esa turnir jadvalida 17-o‘rinda borib, quyi ligada qolish uchun kurashmoqda. Avvalroq yarim himoyachi Moskvaning “Dinamo” klubida o‘ynagan va jamoani erkin agent sifatida tark etgan.
“Zamin”ni Telegramʻda oʻqing!
