Anxel di Mariya vatani Argentinaga qaytdi va dastlabki ijobiy natijalardan keyin uning atrofida noxush fon paydo bo'ldi. Bu holat ko'proq o'yinidan ko'ra raqiblar hamda muxlislar orasidagi norozilik bilan bog'liq: ular futbolchi maydonda tez-tez simulyatsiya qilayotganini ta'kidlashmoqda. Bu haqda euro-football.ru xabar beradi.
Argentina chempionati muhokama qilinadigan forumlarda di Mariyaga nisbatan tanqidlar ko'paydi. «Nega di Mariyani hech qachon hiylalari uchun ogohlantirishmaydi», «U yulduz, lekin bu qiliqlari endi chidab bo'lmas bo'lib ketdi», «shunday saviyadagi futbolchi penaltini shunchalik uyatsiz so'rashi achinarli» kabi fikrlar tez-tez uchramoqda. Sobiq “Manchester Yunayted” va “Real” futbolchisi hozirda “Rosario Sentrall” safida to'p surmoqda.
“Zamin”ni Telegramʻda oʻqing!
