Rossiyalik taniqli murabbiy Valeriy Nepomnyashchiy Fransiyada to'p surayotgan PSJ darvozaboni Matvey Safonovning so'nggi uchrashuvlardagi harakatlariga munosabat bildirdi. Bu haqda euro-football.ru xabar beradi.
Yaqinda Rossiya terma jamoasi posboni joriy mavsumdagi yettinchi o'yinini o'tkazdi. Parij klubi prinsipial bahsda «Marsel»ni yirik hisobda mag'lub etdi — 5:0.
«Men doim aytaman: u o'ynashi kerak. Xudo xohlasa, shunday davom etadi. U o'z o'yini bilan ko'p bora hammasini isbotlagan», — deya Nepomnyashchiyning so'zlarini «Match TV» keltiradi.
Eslatib o'tamiz, Safonov 2023 yilda «Krasnodar»dan Liga 1 ga ko'chib o'tgan. PSJ safida 26 yoshli darvozabon Chempionlar ligasi, FIFA Qit'alararo kubogi, UEFA Superkubogi, shuningdek Fransiyadagi barcha asosiy sovrinlar — Liga 1, Kubok va Superkubokni qo'lga kiritgan.
“Zamin”ni Telegramʻda oʻqing!
