«Antalyaspor» himoyachisi Georgiy Djikiya Turkiyadagi faoliyati va klubdagi vaziyati bo‘yicha qisqa izoh berdi. 32 yoshli futbolchining so‘zlari aks etgan videoni «FNL s Ilyovym» telegram-kanali e’lon qildi. Bu haqda euro-football.ru xabar beradi.
Djikiyadan «Antalyaspor»dagi ishlari qanday ketayotgani so‘ralganda, u: «Hammasi yaxshi, rahmat», — deya javob berdi.
Shuningdek, u Turkiyada sharoit va umumiy muhitdan qoniqayotganini ham tasdiqladi. «Turkiyada hammasi ko‘ngildagidek», — dedi Djikiya jilmayib.
Eslatib o‘tamiz, Djikiya o‘tgan yozda «Antalyaspor» safiga kelib qo‘shilgandi. Shundan buyon u 13 ta uchrashuvda maydonga tushib, 2 ta gol urdi.
Hozirda «Antalyaspor» Turkiya Superligasi turnir jadvalida 14-o‘rinni egallab turibdi. Jamoa navbatdagi bahsini 13-fevral kuni o‘z maydonida «Samsunspor»ga qarshi o‘tkazadi.
“Zamin”ni Telegramʻda oʻqing!
