Oila bilan bog'liq sabablarga ko'ra yaqinda futbolchilik faoliyatini yakunlagan sloveniyalik yarim himoyachi Kevin Kampl «RB Leypsig»dagi davrlarini eslab, o'sha paytdagi murabbiyi Ralf Rangnik bilan bog'liq voqeani so'zlab berdi. Bu haqda euro-football.ru xabar beradi.
Kamplning aytishicha, rafiqasi tug'ruq arafasida bo'lganiga qaramay, Rangnik uni baribir uchrashuvga yetib kelishga majbur qilgan. «Ortingdan samolyot yuboraman, sen bu o'yinda maydonga tushishing shart», degan ekan murabbiy.
Gap «Volfsburg»ga qarshi bahs haqida ketmoqda: o'sha uchrashuvda Rangnik jamoasi 4:0 hisobida g'alaba qozongan. O'yindan so'ng esa Kampl yana ham ko'proq hayron qolgan: Rangnik jurnalistlar bilan suhbatda go'yo futbolchi o'zi jon-jahdi bilan o'ynashga intilgandek gapirgan, aslida esa vaziyat buning mutlaqo teskarisi bo'lgan.
“Zamin”ni Telegramʻda oʻqing!
