«Antalyaspor» himoyachisi Georgiy Djikiya Turkiya klubidagi hozirgi vaziyati yuzasidan fikr bildirdi. 32 yoshli futbolchining so'zlari aks etgan video «FNL s Ilyovym» telegram-kanalida e'lon qilindi. Bu haqda euro-football.ru xabar beradi.
Jikiya «Antalyaspor»dagi ishlar qanday ketayotgani haqidagi savolga «hammasi yaxshi» deya javob berdi. Turkiyadagi sharoitlar ham uni to'liq qoniqtirayotganini, barchasi joyida ekanini tabassum bilan ta'kidladi.
Djikiya o'tgan yozda «Antalyaspor» safiga qo'shilgan. Shundan beri u 13 ta uchrashuvda maydonga tushib, 2 ta gol muallifiga aylangan.
Hozir «Antalyaspor» Turkiya Superligasi turnir jadvalida 14-o'rinda bormoqda. Jamoaning navbatdagi o'yini 13-fevral kuni o'z maydonida «Samsunspor»ga qarshi bo'lib o'tadi.
“Zamin”ni Telegramʻda oʻqing!
