“Bavariya” darvozaboni Manuel Noyer Germaniya terma jamoasiga ehtimoliy qaytishi borasidagi savollarga aniq javob berdi. Bu haqda euro-football.ru xabar beradi.
JCh oldidan germaniyaliklar darvozabonlar masalasida muammolarga duch kelayotgani sabab ommaviy axborot vositalarida so‘nggi oylarda Noyerning bundesjamoaga qaytishi mumkinligi tez-tez muhokama qilinmoqda. Tez orada 40 yoshga kiradigan tajribali posbon atrofidagi gap-so‘zlar ham shundan.
Chorshanba kuni Myunxen klubi Germaniya kubogi 1/4 finalida “RB Leyptsig”ni 4:0 hisobida mag‘lub etdi. O‘yin yakunida jurnalistlar Noyerdan terma jamoadagi faoliyatini butunlay yakunlagan-yakunlamagani haqida so‘rashdi va “Bavariya” sardori qisqa qilib: “Ha”, — deya javob berdi.
Eslatib o‘tamiz, Manuel Noyer 2024 yilda Germaniya terma jamoasidagi faoliyatini yakunlagan.
“Zamin”ni Telegramʻda oʻqing!
