Chempionlar Ligasida umumiy bosqich yakuniga yetdi. Endi navbat pley-offga: 16 jamoa styk bosqichida maydonga tushib, 1/8 final uchun sakkizta yoʻllanma ustida bahs olib boradi. Umumiy bosqichning eng kuchli sakkiz jamoasi esa allaqachon 1/8 finalga toʻgʻridan-toʻgʻri yoʻl oldi. Bu haqda euro-football.ru xabar beradi.
Shu orada UEFA Chempionlar Ligasi finali uchun moʻljallangan rasmiy toʻpni taqdim etdi. U qoramtir ranglarda ishlangan bo‘lib, unda oq yulduzlar aks etgan. Toʻp Adidas kompaniyasi tomonidan ishlab chiqarilgan.
2025/2026 yilgi mavsum Chempionlar Ligasi finali Budapeshtda o‘tkaziladi. “Quloqli” sovrin uchun hal qiluvchi uchrashuv 30-may, shanba kuni bo‘lib o‘tadi.
Hozirgi amaldagi chempion — “PSJ”. O‘tgan finalda parijliklar “Inter”ga imkon qoldirmay, 5:0 hisobida g‘alaba qozongan edi.
“Zamin”ni Telegramʻda oʻqing!
