“Al-Nasr” bosh murabbiyi Jorje Jezush Krishtianu Ronaldu nega yaqinlashib kelayotgan uchrashuvda maydonga tushmasligini izohladi. Bu haqda euro-football.ru xabar beradi.
Er-Riyod klubi chorshanba kuni OFK Chempionlar ligasi doirasida “Arkadag”ga qarshi bahs olib boradi. Portugaliyalik hujumchi tez orada safga qaytishi kutilayotgan bo‘lsa-da, bu o‘yinda ham uning ishtiroki ko‘zda tutilmadi.
“Jadval juda tig‘iz. Shu sabab Ronaldu va asosiy tarkibdagi yana bir qator futbolchilarga dam berishga qaror qildik. Oldinda “Al-Fateh”ga qarshi muhim uchrashuv bor”, — dedi Jezush. Uning so‘zlarini Al Nassr Zone keltirdi.
Murabbiy Ronalduga dam berish “yangilik” emasligini ham ta’kidladi: superyulduz Saudiya Arabistonidan tashqarida o‘tadigan ayrim o‘yinlarda avval ham maydonga tushmagan.
Saudiya chempionatida “Al-Fateh” — “Al-Nasr” uchrashuvi shanba kuni, 14-fevralda bo‘lib o‘tadi.
“Zamin”ni Telegramʻda oʻqing!
