Krishtianu Ronalduning turmush o'rtog'i Jorjina Rodriges ijtimoiy tarmoqlarda yangi surat ulashdi. Unda portugaliyalik hujumchi sport zalida gantel ko'tarayotgani aks etgan. Bu haqda euro-football.ru xabar beradi.
Kadrda 41 yoshli futbolchi yonida qizlaridan biri ham bor: u ham mashq qilmoqda va qo'lida kichik, pushti rangli mini-gantellarni ushlab turibdi. Rodriges suratga qisqa izoh qoldirdi: «Dada».
Jorjina avvalroq Ronalduni tug'ilgan kuni bilan tabriklagan, biroq post futbolchining 41 yoshga to'lishidan bir kun o'tib e'lon qilingani ham e'tibor tortgan.
Shuningdek, Ronaldu «Al-Nasr»ning so'nggi bir nechta uchrashuvlarini o'tkazib yubordi. OAVda u klub boshqaruvidan norozi bo'lgani sababli o'yinlarni boykot qilayotgani haqida xabarlar tarqalgan.
“Zamin”ni Telegramʻda oʻqing!
