Роналду спорт залида қизи билан бирга шуғулланди

Криштиану Роналдунинг турмуш ўртоғи Жоржина Родригес ижтимоий тармоқларда янги сурат улашди. Унда португалиялик ҳужумчи спорт залида гантел кўтараётгани акс этган. Бу ҳақда euro-football.ru хабар беради.

Кадрда 41 ёшли футболчи ёнида қизларидан бири ҳам бор: у ҳам машқ қилмоқда ва қўлида кичик, пушти рангли мини-гантелларни ушлаб турибди. Родригес суратга қисқа изоҳ қолдирди: «Дада».

Жоржина аввалроқ Роналдуни туғилган куни билан табриклаган, бироқ пост футболчининг 41 ёшга тўлишидан бир кун ўтиб эълон қилингани ҳам эътибор тортган.

Шунингдек, Роналду «Ал-Наср»нинг сўнгги бир нечта учрашувларини ўтказиб юборди. ОАВда у клуб бошқарувидан норози бўлгани сабабли ўйинларни бойкот қилаётгани ҳақида хабарлар тарқалган.

Abror Tovmurodov

«ZAMIN.UZ» муҳаррири