Rossiyalik himoyachi Georgiy Djikiyaning agenti Malik Arutyunov futbolchining kelajagi borasida fikr bildirdi. Bu haqda euro-football.ru xabar beradi.
Agentning so'zlariga ko'ra, Djikiya “Antalyaspor”dagi maoshlar kechikayotgani sababli norozi va shu bois Rossiya Premer-ligasi klublaridan bo'layotgan variantlarni ko'rib chiqmoqda. Qayd etilishicha, to'lovlar noyabrdan beri ushlanib qolgan, aks holda futbolchi Turkiyadagi sharoitlardan mamnun.
32 yoshli himoyachi “Antalyaspor” safiga o'tgan yozda kelib qo'shilgan va turk klubi bilan ikki yillik shartnoma imzolagan.
Turkiya Superligasining joriy mavsumida Djikiya 12 ta uchrashuvda maydonga tushdi, 2 ta gol urdi va 3 ta sariq kartochka oldi.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
