«Al-Nasr» bosh murabbiyi Jorje Jezush Krishtianu Ronalduning navbatdagi uchrashuvda maydonga tushmasligi sababini izohladi. Bu haqda euro-football.ru xabar beradi.
Ar-Riyod klubi chorshanba kuni OFK Chempionlar ligasida «Arkadag»ga qarshi bahs olib boradi. Portugaliyalik yulduz hujumchi tez orada maydonga qaytishi kutilayotgan bo'lsa-da, bu safar ham tarkibda bo'lmaydi.
Jezushning aytishicha, jamoa zich taqvim sabab Ronaldo va asosiy tarkibdagi yana bir qator futbolchilarga dam berishga qaror qilgan. Murabbiy bunga sabab sifatida oldinda «Al-Fateh»ga qarshi muhim o'yin borligini ta'kidladi.
«Al Nassr Zone» keltirgan iqtibosga ko'ra, Jezush Ronalduning Saudiya Arabistonidan tashqarida o'tadigan uchrashuvlarni o'tkazib yuborishi avval ham bir necha bor kuzatilganini eslatib o'tdi.
Saudiya chempionatida «Al-Fateh» – «Al-Nasr» uchrashuvi shanba kuni, 14 fevral kuni bo'lib o'tadi.
“Zamin”ni Telegramʻda oʻqing!
