Anxel di Mariya vatani Argentinaga qaytgach, dastlab ijobiy natijalar ko'rsatdi, biroq keyin vaziyat keskin o'zgardi. Bu safar muammo uning o'yinidan ko'ra ko'proq raqiblar va muxlislar noroziligi bilan bog'liq: ular di Mariya maydonda tez-tez simulyatsiya qilayotganini ta'kidlamoqda. Bu haqda euro-football.ru xabar beradi.
Argentina chempionati muhokama qilinadigan forumlarda sobiq "Manchester Yunayted" va "Real" futbolchisi, hozir "Rosario Sentr al" safida to'p surayotgan di Mariyaga nisbatan keskin fikrlar ko'paygan. "Nega uni hiylalari uchun hech qachon ogohlantirishmaydi?", "U yulduz, lekin maydondagi qiliqlari joniga tegdi", "Bunday darajadagi futbolchi penalti so'rab yurishi achinarli" kabi izohlar uning atrofidagi bahslarni yanada avj oldirdi.
“Zamin”ni Telegramʻda oʻqing!
