“Al-Nasr” bosh murabbiyi Jorje Jezush Krishtianu Ronalduning yaqinlashib kelayotgan o‘yinda maydonga tushmasligi sababini izohladi. Bu haqda euro-football.ru xabar beradi.
Ar-Riyod klubi chorshanba kuni OFK Chempionlar ligasi doirasida “Arkadag”ga qarshi bahs olib boradi. Portugaliyalik yulduz hujumchi tez orada maydonga qaytishi kutilayotgandi, biroq ushbu uchrashuvda ham uning ishtiroki bo‘lmaydi.
“Jadval juda tig‘iz. Shu bois Ronalduga va asosiy tarkibdagi ayrim futbolchilarga dam berishga qaror qildik. Oldinda “Al-Fateh”ga qarshi muhim o‘yin turibdi”, — deya Jezushning so‘zlarini keltiradi Al Nassr Zone.
Murabbiy ta’kidlashicha, Ronalduning dam olishi yangilik emas: u Saudiya Arabistonidan tashqarida o‘tadigan uchrashuvlarni avval ham bir necha bor o‘tkazib yuborgan.
Saudiya chempionatida “Al-Fateh” — “Al-Nasr” uchrashuvi shanba, 14-fevral kuni bo‘lib o‘tadi.
“Zamin”ni Telegramʻda oʻqing!
