Italiya futboli sobiq hujumchisi Antonio Kassano "Milan"ni keskin tanqidlari bilan yana kun tartibiga chiqdi. U "rossoneri"ni yillar davomida tanqid qilib keladi va bu safar ham jamoaning yangi bosh murabbiyi Massimiliano Allegri qurayotgan o'yin uslubidan ijobiy jihat topmadi. Bu haqda euro-football.ru xabar beradi.
Kassanoning fikricha, "Milan" joriy mavsumda bor-yo'g'i uchta uchrashuvni chindan ham yaxshi o'tkazgan: "Bolonya"ga qarshi ikki o'yin va "Udineze" bilan bitta bahs. U jamoada aniq futbol g'oyasi yo'qligini, boshqa klublarda esa bunday tizim borligini ta'kidladi. "Milan esa xuddi 80-yillar futbolini o'ynayotgandek", — deya Kassanoning so'zlarini pianetamilan.it keltirdi.
Ayni paytda "Milan" A Seriya turnir jadvalida ikkinchi o'rinda bormoqda. Jamoa chorshanba kuni "Komo"ga qarshi maydonga tushadi.
“Zamin”ni Telegramʻda oʻqing!
