Anxel di Mariya vatani Argentinaga qaytgach, dastlab ijobiy natijalar ko'rsatdi, biroq keyinroq atrofida keskin muhit paydo bo'ldi. Bu holat ko'proq uning o'yinidan emas, raqiblar va muxlislar orasidagi norozilikdan kelib chiqmoqda: ular futbolchini maydonda tez-tez o'zini yiqitganday ko'rsatishda ayblayapti. Bu haqda euro-football.ru xabar beradi.
Argentina chempionati muhokama qilinadigan forumlarda «Nega di Mariyani hiylalar uchun hech qachon ogohlantirishmaydi», «Di Mariya yulduz, lekin bu qiliqlari joniga tegdi», «shunday darajadagi futbolchi penalti so'rab, bu qadar uyalmasdan harakat qilayotgani achinarli» kabi fikrlar ko'paygan. Avval «Manchester Yunayted» va «Real»da to'p surgan futbolchi hozir «Rosario Sentral» safida maydonga tushmoqda.
“Zamin”ni Telegramʻda oʻqing!
