Argentinaning “Boka Huniors” klubi sport direktori lavozimiga Marselo Delgadoni olib keldi. U klub prezidenti Xuan Rikelme bilan yaqin hamkorlikda ishlaydi. Bu haqda euro-football.ru xabar beradi.
Jamoaga qisqa muddatda kuchaytirishlar zarurligi ta’kidlanmoqda, shu bois Delgadoning asosiy vazifalaridan biri transfer va tarkibni mustahkamlash masalalarini Rikelme bilan birga tezkor hal qilish bo‘ladi.
Delgado futbolchilik faoliyatida ham yaxshi nom qoldirgan: u Argentina terma jamoasi safida 1995–2002 yillarda 18 ta uchrashuv o‘tkazib, 1998 yilgi Jahon chempionatida ham maydonga tushgan.
Shuningdek, 2003 yilda u Libertadores kubogida eng yaxshi to‘purarlar qatoridan joy olgan — “Santos” hujumchisi Rikardo Oliveyra bilan birga musobaqaning eng sermahsul futbolchisi bo‘lgan.
“Zamin”ni Telegramʻda oʻqing!
